Vængur 1 ekki komin frá Afríku.. áhyggjurnar aukast :-(

Nú erum við á síðustu metrunum.. ekki á morgun heldur hinn.  Allt klárt, miðar, hótel, fatnaður en Vængur 1 er ekki kominn heim frá Afríku.  Ég set símann ekki frá mér, vonast eftir símtali.

Annars er mikill hugur í okkur öllum.  Við hlökkum til að takast á við gönguna og njóta þess að ganga um New York án þess að vera að versla þar og upplifa borgina á þennan hátt jafnframt því að vita að við erum að láta gott af okkur leiða.

Ég hitti einn vinnufélaga minn í gær og talið barst að baráttunni gegn brjóstakrabbameini.  Honum varð að orði "ég styð þessa baráttu af heilum hug, ég vil sko hafa brjóstin í lagi".  Hann meinti hvert einasta orð.  Þetta var eiginlega svolítið sætt.

Vængur 2 kveður í bili og flýgur inn í nóttina.

Athugasemdir

[Jóhanna Magnúsar- og Völudóttir , 2.10.2007 kl. 20:45]

Vonandi skilur vængurinn sér, betra að fljúga á þeim öllum! Fylgist með ykkur.

kveðja,

Jóga